સૌંદર્ય સ્પર્ધાનું આયોજન 28 વર્ષ પછી ભારતમાં: શરૂઆત ભારત મંડપમથી અને Jio વર્લ્ડ કન્વેન્શનમાં સમાપન..
- 20 Feb, 2024
71મી મિસ વર્લ્ડ સ્પર્ધાને લઈને એક મોટું અપડેટ સામે આવ્યું છે. મિસ વર્લ્ડ 2024 સ્પર્ધા 20 ફેબ્રુઆરીથી ‘બ્યુટી વિથ અ પર્પઝ’ થીમ સાથે શરૂ થવા જઈ રહી છે. આશ્ચર્યજનક વાત એ છે કે આ વખતે ભારત સૌંદર્ય સ્પર્ધાનું આયોજન કરવા જઈ રહ્યું છે.
ભારત લગભગ 28 વર્ષ પછી મિસ વર્લ્ડ સ્પર્ધાનું આયોજન કરવા જઈ રહ્યું છે. આ માટે વિશ્વના 120 દેશોમાંથી રાષ્ટ્રીય વિજેતાઓને આમંત્રિત કરવામાં આવ્યા છે. મિસ વર્લ્ડ 2024 સ્પર્ધા દિલ્હીથી શરૂ થશે અને 9 માર્ચ 2024ના રોજ મુંબઈમાં ફિનાલે યોજાશે.
મિસ વર્લ્ડ ટ્વિટરના ઓફિશિયલ X પેજ પર સૌંદર્ય સ્પર્ધાને લઈને એક અપડેટ શેર કરવામાં આવી છે. મિસ વર્લ્ડના અધ્યક્ષ જુલિયા મોર્લીનું નિવેદન શેર કરતા તેણે લખ્યું- અમે ગર્વથી ભારતને મિસ વર્લ્ડ 2024ના યજમાન તરીકે જાહેર કરીએ છીએ. મહિલા સશક્તિકરણ, વિવિધતા અને સૌંદર્યની ઉજવણીની રાહ જોઈ રહ્યા છીએ. આ અદ્ભુત પ્રવાસ શરૂ કરવા માટે તૈયાર થાઓ.
#MissWorldIndia #BeautyWithApurpose. રિપોર્ટ્સ અનુસાર, મિસ વર્લ્ડ 2024ની ફિનાલે 9 માર્ચે મુંબઈના Jio વર્લ્ડ કન્વેન્શન સેન્ટરમાં યોજાશે. જ્યારે તેની શરૂઆત 20 ફેબ્રુઆરીએ દિલ્હીના ભારત મંડપમથી થશે.મિસ વર્લ્ડના ઉદ્ઘાટન સમારોહનું 20મી ફેબ્રુઆરીની સાંજે Missworld.com પર લાઈવ પ્રસારણ કરવામાં આવશે.ત્યારબાદ 9મી માર્ચે જિયો વર્લ્ડ કન્વેન્શન સેન્ટર, મુંબઈમાં 71મી મિસ વર્લ્ડ ગ્લોબલ ફિનાલે યોજાશે
ભારતમાં વર્ષ 1966માં પહેલીવાર મિસ વર્લ્ડ સ્પર્ધા યોજાઈ હતી. ત્યારબાદ બેંગ્લોરમાં તેનું આયોજન કરવામાં આવ્યું હતું. હવે 28 વર્ષ બાદ ફરી એકવાર ભારત મિસ વર્લ્ડ બ્યુટી પેજન્ટનું આયોજન કરવા જઈ રહ્યું છે. અત્યાર સુધી ઘણાએ મિસ વર્લ્ડનો ખિતાબ જીતીને ભારતને ગૌરવ અપાવ્યું છે.
1966માં પ્રથમ વખત રીટા ફારિયા પોવેલ એ મિસ વર્લ્ડનો ખિતાબ જીત્યો હતો. આ પછી ઘણી અભિનેત્રીઓએ આ ખિતાબ જીત્યો છે. આ યાદીમાં ઐશ્વર્યા રાય બચ્ચન, પ્રિયંકા ચોપરા અને માનુષી છિલ્લરના નામ પણ સામેલ છે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ